今日check out至醒起要影下個酒店牌，話晒都住咗2晚嘛。
原定行程係去市集食早餐，到埗見唔開，先記得尋日酒莊tour個guide話今日係公眾假......
沿路都唔見有地方食早餐，結果行番去Rue Saint-Catherine食老麥。期間聽到一首當地法文歌，副歌裡好似中文“頂住”既發音，唔通係Danger？
呢一個畫面，令我諗起八佰伴噴水池廣場樓梯，望上去頂層既（藍天白雲天花）既歐陸風店舖。
酒店lobby拎番行李喼就Call車去車站，告別波爾多。
今次無人搭坐，可以安心自拍。
車站見到咁靚既印象派畫風，唔似香港既廣告展示廊。
重回Novotel，間房好過第一日落腳果間。
輕裝上路，抓拍車站上既百態。
轉車上咗架雙層列車，似係去各奧運場地既班次，畢竟今屆既場地融入巴黎固有既景點及建築。
雖然下午第一個景點係奧賽博物館(Musèe d' Osay)，但我哋先衝上去餐廳食下午茶(因為大家都未食晏)。等候入座時，侍應生同我哋講已無熱食供應，我哋見有飲品同蛋糕就話"It's ok"。
本館重點係梵高作品真跡展覽，Vincent van Gogh-生前最後既自畫像，點都要俾啲時間去試啱相機設定。Bal du moulin de la Galette，法國印象派畫家Pierre-Auguste Renoir作品，100幅經典西洋畫像之一。唔少遊客係呢個通花大鐘位影相，當然唔少得自戀式打咭照。奧賽博物館近入口既拱頂天窗設計，讓展品被古典建築美襯托著。Madame Renoir塑像，原來都係法國印象派畫家Pierre-Auguste Renoir既作品。雕像走廊近距離影相，可惜要趁人少快影，無時間就前後位嚟避吊燈。
臨走行紀念品商店，見到梵高既主題商品，當然要買嚟送俾師傅。難得幸男有精神既樣。我哋沿塞納河行，望到呢幕觀光船，諗起舊年快閃巴黎既自己一家，以及今年巴黎奧運開幕禮既各國選手代表進場。幫領隊影吓街頭單人照，唔好嘥咗大好藍天同景色。
行到去羅浮宮已經差唔多閉館，人少咗反而方便自拍。叫幸男企上柱頂，扮用啤牌砌金字塔。Passerelle des Arts(藝術橋)，10年前掛滿情侶鎖既光景不再，但應該仲係情侶吹風既浪漫夜景地點。唔少當地人係塞納河邊野餐或小酌，享受慢活節奏。河堤上方既馬路邊，有紀念品攤檔向遊人招徠，感覺有啲似深水埗鴨寮街既綠色小檔。今晚用膳既地方係Place Dauphine既戶外位，可以見到當地人邊飲啤酒邊玩Pétanque法式滾球。餐廳有一百年歷史，經過多次易手，時任當家於1948年接手至今。Le Tartare de Thon-生吞拿魚碎，配青蘋果，香草。源自法國既Kir Royale，係百年老店享用，夠晒意景。
被領隊偷影到我同幸男既自拍。Le Canard-油封鴨髀，配香忌廉焗薯。有別香港平時食到既薯蓉，Gratin Dauphinois更香口，與油封鴨髀更夾口味。我同領隊每人一份既選擇，絶對無後悔。La Piéce du boucher-胡椒汁配是日精選紅肉，牛，好在今日係開牛，所以幸男可以食法式牛扒薯條。
又係FLIP 6自拍既時候，我覺得呢餐好過波爾多果間SON，坐得舒服，食得開懷。
口講話好飽，但又食得落雪糕。食食吓有隻蜜蜂圍住我哋飛，結果自己係可樂杯遇溺......
啤酒底溝lemonade既cocktail-Monaco(網上話popular in France)，但我麻麻地紅石榴汁既味道......
廁所係店內既樓上，會經過bar位。
望番落去，見到兩母子。託幸男嗌埋單，侍應叔叔聽到"L'addition"，笑住兼俾手指公嚟答"excellent"。
沿途行番去酒店，慢慢去迎接黃昏magic moment。La Sainte-Chapelle(聖禮拜教堂)門外。相比波爾多，晚上既巴黎有更多年青人或遊客聚集。如果有腳架既話，應該可以試到得更好既參數。原定15分鐘既路程，大家都因為靚景而駐足影相留念。街頭夜景抓拍-領隊係出發前叮囑要小心相機同電話，但旅行好難唔隨心舉機，除非景點一啲都唔吸引。見到呢間餐廳既老鼠燈牌，諗起波爾多見過唔少被轆扁既老鼠。巴黎反而未見到，應該係奧運形象工程既效果。
