人生第一次夾中公仔，竟然係用唔駛錢既代幣。見隻公仔唔係靚，所以放係枱面影張相就算。
當初見有一隻係喺近出口位，於是鎖定目標。三個代幣，第一個爭少少，第二個就成功跌落出口。
其實今日主線任務係去元朗大同，幫外母買月餅。晚飯一心去再來一煲堂食，點知無位（又話北上消費既？），結果去咗大滾友。二人餐抵食，揀咗半價散嗌一樣配料，無揀＄1啤酒放題。桶蠔賣相夠晒分，但食落只係台山蠔，同美國桶蠔無得比……
份量係ok既，只係我番完早更太攰，無乜胃口食嘢。綜觀座位舒適度，食品選項同質素，應該唔會再嚟幫襯。
PS:埋單後，店員俾咗3個代幣俾我哋去玩樓梯口既夾公仔機。
