𡃶自己多啲

是日番工唔如意，約台灣女生去元朗食飯，人家係王子私房菜有有閘蟹餐，send張相俾我過目。不被愛都要自愛，一於對自己好啲~

餐牌上伊比亞黑毛豬叉燒常在，所以無影相。套餐與滬江相若，蟹粉燴官燕取代魚翅，金牌焗蟹蓋取代小籠包。唔知係咪蟹源唔同，蟹粉無滬江咁偏橙色。

金牌焗蟹夠晒飽滯，唯有打包薑米蛋白松子飯炒飯。雖然唔及滬江咁出色，但區內嚟計都算唔錯~