今日傍晚搭輕鐵入元朗搵德輝介紹既店舖買部高清機頂盒.事源係最近翡翠台收得差咗好多,落雨天就更加嚴重,但唔知點解本港台,國際台,以及明珠台就無咩影響.反正就黎有奧運睇,於是把心一橫,買隻機頂盒.貌似任劍輝既老闆娘好有心機咁介紹,而且仲俾個好價錢過我添~
今晚外母大人上門一齊食飯,台灣女生親自下厨,四餸一湯.番到屋企,啱啱好有得食~~
食完飯,人家幫手拉起電視黎方便我駁HDMI線,咁就睇到高清畫面,又真係靚好多喎~雖然好似好多台,但其實唔係每一個時段都有高清節目睇,而且有啲台一日只係有幾個鐘係有節目.就算高清翡翠台,九五時間都只係不斷以交易現場及創富坊交替黎填時間.
如果閣下想買機頂盒時,最好先上網check吓高清頻道既節目表係咪啱心水先~~
ps:人家發覺自從居住地區開始有高清頻道覆蓋起,翡翠台就收得差咗好多,唔知大家有無呢種情況呢???
