番完早更,騎羊去市中心,去乾衣店放低西裝,係茶餐廳食過下午茶後,就去買個外置harddisk黎錄電視節目,不過就波折啲.
原本諗住買buffalo牌子,但電腦店職叫我打去問吓機頂盒既代理商,睇吓可以兼容邊隻品牌既硬碟,仲要問埋最大"極"數同需唔需要外置電源.因為之前有啲客買咗之後至發覺唔能夠被機頂盒確認.
啱啱至順便將機頂盒既保用證寄出,無得睇番個客戶熱線,台灣女生又唔係屋企,無得check番張單,唔通要番屋企再出過黎買?突然諗起樓下就係相熟電子產品公司,於是搏吓佢有無賣我用緊個款機頂盒,結果bingo!仲攞埋個客戶熱線黎問嘢.
原來好多機都唔夾buffalo既hard disk,代理商公司客戶熱線既哥仔建議maxtor
basic2.5吋,因為好多客都無話有問題報告.
最後我就揀咗最低容量既160G,但番到屋企都係確認唔到,於是打去客戶熱線詢問.動用USB手指黎下載網上既最新軟件,再插入機頂盒進行軟件升級,臨尾再用機頂盒format埋個hard
disk,咁就正式可以錄高清電視節目啦~
