今日係台灣女生既生日,亦都係中秋正日.夜晚騎羊去黃金海岸食飯,係馬會附近已經開始有多車,置樂起慢車,三聖後塞車.......
停車場泊滿滿車,好多私家都慢車兜圈等位,好在仲有少量電單車排骨位.沙灘迫滿人同螢火棒,浪漫氣氛被熱鬧喧嘩聲取代.一坐低就享用預留既美國生蠔,其實店內都坐滿人,好在有訂位.
上年都係同人家黎呢間餐食飯,仲記得上次係打一號波,叫咗一打生蠔,同二人餐,食咗好幾個鐘至食得晒,加上明哥體貼既服務,所以好開心.今年明哥無係度做,而且撞正大節日,餐內既菜式唔可以更,上菜又等得耐,睇黎下年都要考慮吓轉地方.
生日禮物早係幾日前送出,人家見到都話鍾意,外母大人話其實人家一直行街都有睇耳環,份禮份啱晒人家心意~~
