落足心機,挑選手機

今日晏晝騎羊去良景搵老豆食晏,見老人家想換電話(舊機用咗兩年多),順便俾本衛信既書仔佢睇(真係好有心機用放大鏡黎睇啲細字).老豆睇中咗nokia既5230,但我嫌佢個殼膠得滯,而且相機得20萬像數,所以"說"佢揀5530,個款好啲,相機又係30萬像數,價錢只係貴百零蚊~

大家睇吓5230個樣真係膠膠地,機身又厚啲,真係得個"平"字($17xx)

睇個款都無咁似玩具電話丫,都係touch screen,啱晒老豆試新玩意既心願.事源係佢有個同事出咗部5800,見人地篤得幾好玩,所以話想出番部"零"機價.之前已經係smartone問過,係就係$0機價,但要簽約用$300既上網plan,計落唔花算,仲貴過齋買機......而家啲後繼機平咗,所以就心郁郁出部$2000有找既平機玩吓.

PS:係市中心CM concept出5530,但哥仔用我張咭試唔到部機,話可能係我張咭有問題.我明明部機夾張sim咭都無事,以策安全,都係唔買住.搵日去老豆睇過個間T ONE MOBILE問吓先.