TOY STORY 3

閒日既晏晝,戲院理應唔太多人,但已踏入暑假檔期,兼且TOY STROY 3上畫,所以迫滿等入場既觀眾.本來諗住同台灣女生睇兩點二個場,點知太趕,無咩位剩,結果睇四點二個場.

其實之前都有同人家去戲院睇造勢既3D版TOY STORY 1同2集,等人家溫定書,至睇呢齣第三集.

同之前一1,2集3D版一樣,都係無話特別地立體,好在係屯門睇$60張飛.故事話男主人andy已經準備入大學,兒時玩具已被閒置,但又意外地被捐去托兒所,一連串笑料兼歷險.總括都無咩冷場,最鍾意巴斯光年被"重設"時,變咗西班牙模式.另外係垃圾場焚化爐度,真係無諗過會係隻爪(三眼仔至愛)救番一眾玩具角色.

Barbie同Ken既對手戲都好好笑,Barbie既動靜神態都同Natalie好似,人家都有同感,番工都要同佢講吓先~