少主見爺爺,見世交

今日老豆放假,中午偷時間黎探吓孫仔,因為係醫院度只可以隔玻璃望,唔可以抱.咁啱少主喊肚餓,於是叫老豆客串吓黎餵孫仔食奶,老豆話對上一次餵奶都係廿幾年前既事.

可惜少主玩口水兼吐奶,如果唔係,呢張三爺孫相會完美啲~老豆坐個個零鐘就走,我哋叫佢抱多陣先,臉帶甜笑既老豆答"再抱就真係唔捨得走0架啦~"

傍晚Andrew同Michelle黎探少主,Andrew話自己感冒未清,所以戴住口罩同無抱少主.好多謝佢哋既心意,希望滿月時,Andrew可以抱吓佢,影番張相留念啦.