朝早騎羊出觀塘鈴木check車,十點出車,十點九個字就到埗.原本諗住趁大假係5號出黎,但怕少主早出世所以押後至今日至得閒,可惜天氣已轉涼兼起風,
所以比較辛苦.....
放低羊仔,行去apm既palace睇吓有無戲睇,用黎打發時間.由於跳躍大搜查線未上,啱時間既只有"再單身遊記"(Eat Pray
Love),於是買咗11:35早場$40飛,抵~
一點十個字至散場,內容麻麻地,Eat Pray
Love三個部份連接得有點格格不入....係APM行咗陣就去番工業區既餐廳食晏,貪佢夠平,下午茶時段(14:00後),干炒牛河,連凍飲都係$24~
食完嘢,行多陣就收到鈴木既電話,話可以攞車.行入車行時撞見salesman黃生,大家打過招呼,可能我買第一架車時俾cash太令佢難忘
~
~
今次除咗基本既機油,機油隔,同火咀外,仲有風格綿架,皮帶,及迫力油,所以手工(包埋check極力子同珠仔)都平時貴啲.
回程時覺得羊仔行車時靜咗啲同穩定啲,希望愛羊可以健健康康~已經個半月無清洗打腊,搵日放假幫愛羊打理吓先....
