一踏入年初一,將利是交俾幸男,可惜佢只係顧住睇電視,對我同人家俾佢既第一封過年利是無咩興趣(唯有放係佢枕頭底).幸男飲埋支6安士奶,就安心訓覺~
番工除咗派利是,都有收到各方好友俾幸男既利是,祝佢"快高長大",其實我都想,最好聽日就十八歲添
.
.
放工騎羊歸家,經過相熟油站為愛羊添油,阿姐話公司有利是俾顧客,內裡係便利店既優惠劵.雖然唔太實用,但叫做"利利是是"攞個意頭.仲記得第一年騎羊(BURGMAN150)過新年時,特意為愛羊入一缸"白金旋風"電油,阿姐問我"平時都唔係入白金架喎",我答"新年嘛,食好啲,常滿".直到而家我都係入緊白金旋風,感覺又真係架車去啲既.
