每當手提電話保養就到期,我就會諗定後繼機體(我部N8已入廠整過次,最後一次係農曆新年前,底板換埋,但都係熄機會偶爾RESET晒日子同時間....),因為一下子壞係上黎,都可以好快咁買機,唔洗到時至左諗右諗,目標為本嘛.最初只係知SONY會出XPERIA S,但成四千尾,真係有啲貴.今日上網至將會有XPERIA P,金屬外殼,4吋MON,相機鏡頭就得800萬像數,而家我部NOKIA N8係1200萬像數,好似有少少退步,但其他硬件都係比N8好(雙核芯,屏幕像數效高),希望唔會貴過四千啦....
一心諗住離開NOKIA,但見佢有部808PURE VIEW影相好似好掂咁,又係蔡司認証鏡頭,耳機音質話有杜比技術,不過仲係行單核芯,兼且屏幕像數同年半前既N8一樣(360X640),仲要係大咗半吋,咁係咪即係畫質會仲差咗?期待呢兩款機早日推出市面,可以睇價錢做人,實際試吓兼睇吓用家心得,不過SYMBIAN BELLE作業系統己經輸咗一大截.....
