今日番晏補鐘早走,因為趕入流浮山會合大隊食晚飯.騎羊係公司出發,15分鐘就到埗,再一次感受電單車既偉大.
褔娃都有黎為威猛餞行,仲親自剝蝦俾人食,非常恩愛.
由於要開車,所以無飲酒,只以可樂解渴,姐姐們就有飲天地一號溝汽水.(以前係大陸飲過一次,但真係頂唔住醋酒)
海鮮為主題,瀨尿蝦當然係必食之選,再大隻啲就更好.
清蒸鮑魚仔,比酒樓既更大更好味~
中式多舊魚,應該係炒斑塊.....
炸蠔夠香脆,肉又唔乾身,有埋他他醬就仲好.唔係個個食,結果我食多一舊~
均衡飲食,碳水化合物!
鹽焗奄仔蟹,好好食,自己都好耐無食蟹,所以特別開心.
今日另一個主題係玲玲生日,清咗枱之後,大家一齊唱生日歌,食蛋糕.埋單後,騎羊番屋企,唔洗十五分鐘就番到屋企,台灣女生以為我放工去咗買少少嘢至遲少少番黎.過相入電腦,望一望至知點解最後影大合影個陣,食店阿姐要影成四五張,因為手郁咗,得一兩張係好啲........
PS:其實都未病好晒,食到尾段都頭痛,但無所謂啦,大家高興嘛,番屋企食必利痛,早啲訓囉~
