今日卒之係大眾書局將訂購既"魔鏡變變變"藍光碟攞到手,呢隻係我第一隻既日本電影藍光碟.貴為綾瀨遙既擁躉,所有香港上映既綾瀨遙既電影,我都有入場睇,係唯獨呢齣無時間出去市區既戲院睇(屯門上映既巴倫紐好快落咗畫).
其實之前係節拍租咗DVD黎睇,台灣女生都話好睇,所以走去大眾問價,見$139咁抵,於是訂購.人家話男主角岡田將生好靚仔,我就覺得佢做<<粉紅系男孩>>既劍道部學生正宗飛鳥個造型,可能係後生啲,切合番佢真實年齡.
故事講述四年級小學生加賀美厚子意外地得到一面魔鏡,可以隨時化身作各種造型既成年人.美厚子化身作OL,並懈逅男主角,繼而往男主角工作之化粧品公司打工,以學生既心,來調解大人既問題.小朋友左真及坦率既思想,往往係成年人所欠缺彧遺忘.社交上既規範及工作坊既政治,往往令人"為做而做",及本未倒置地做"門面工",結果忽略或漠視事情既本義.投身社會十年多,未睇呢齣戲時而有以上既觀感,睇完之後,感受更為強烈及慨歎.
PS:綾瀨遙好似做番<<螢之光>>裡儍大姐既角色,但依舊出色及討人喜愛~
