流浮山歡送晚宴

今日係我第一日出任專科門診,邊聽邊做咁過咗一日,夜晩就同台灣女生帶幸男坐的士入流浮山同一眾同事食歡送飯.

平日常與姐姐傾師奶嘢,記得當年幸男仲係手抱時,不時帶埋幸男去同姐姐出街食飯(姐姐輪住抱幸男玩,我就可以偷時間食餸).而家幸男已三歲大,唔再係得個喊字既麵粉人.

晚飯主題係海鮮,有瀨尿蝦,鮑魚,奄仔蟹,炸蠔......但最重要既係大家可以聚首食餐便飯.多謝大家既款待,承蒙各位既厚愛,陪伴我多年渡過人生中既大小事情.回憶充滿溫馨既叮囑,以及逸事分享.