麻甩晚飯

 今晚台灣女生番晏,我約咗楝哥一齊再幫襯上次間大排檔,今次叫咗好耐無食既鹵水鵝片(雖然餐牌無寫,但問到有無時,阿叔又肯寫落單).

隔離既生啤舖有新產品介紹,仲話今日至新引入香港,全港第一.雖然唔知真定假,但味道唔差,好過上一次試個款. 

麻甩菜色仲有韭菜豬紅,以及黃金三寶.新崗位第二天,好多嘢都仲係未明同掌握.可以同老朋友邊食邊傾邊笑,係辛勞一天後既安慰.