捽眼的禍

去迪仕尼個日朝早已覺幸男左眼下眼皮位有少少紅,但無諗過會發展成咁嚴重.

今日台灣女生帶幸男去睇眼科中心,雖然我哋有幫幸男搽眼葯膏,但最好都係"界"眼皮放走膿水.幸男喊住咁被醫護人員固定位置,但幸男總算無咩掙扎(唔知係咪我同人家早一晚同佢講有可能要"界",並且要聽醫生話既關係).完成小手術後,幸男就喊住咁飲人家準備好既蘋果汁.

人家話係房外聽到幸男既喊聲,自己都想喊,而我只係睇人家用手機傳來既相片,就感受到幸男既痛楚及勇氣.

醫生話手術後四個鐘至可以拆紗布,人家趕得切番晏前替幸男搽藥膏.聽日就可以開始熱敷,希望幸男早日康復,見番佢討人喜愛既大眼睛.