經歷多年來既夥拍,今晚可以做既就係幫手為主角拍照及錄影,將開心既氣氛,凝聚於記憶體裡.
今晩既啤酒競飲環節,本人都有參加.好耐都無經歷呢類青春熱血活動,唔知係啲燕京太凍,定係自己年紀大兼久疏戰陣,真係唔可以連續咁一口口飲晒一罐(真係飲到個心都覺得凍到"那"住).雖然未能進入決賽,但都好開心可以湊熱鬧.
縱使繁重工作上有壓力或意見不同,但同舟共濟既文化下,大家都表現得亙相包容.榮休晚飯能夠將一眾新舊同事聚首一堂,足以說明培爺既人緣.
人生閱歷多,看過不少面孔並體會不少人情冷暖.今晚暖意洋洋之情景,應該係培爺辛勞多年既認定.
