仲有兩個禮拜,愛羊就跟足我八年.雖然比以前少咗時間抺車同打蠟,但機件保養一向做足,似終係兩個轆嘛.
好幾次係街上俾中年男人問我架車係咪新車,又問我賣唔賣,我每次都係答"唔賣!".見人哋開得好地地,做mug會賣俾你,車頭又唔係掛住"出售"牌.或者第一眼望就好新淨,但細心啲睇車身機械細節,不難搵出歲月既痕跡......
早排已續十年既電單車牌,黎緊就係續新一年既行車証同第三保.路面經驗同電單車既裝備一樣,不斷累積同進化.除咗有信心去駕馭一年四季既天氣,更重既係瞭解拍檔既能力及不足之處,以達至安全駕駛.
除咗係興趣,電單車對我黎講絶對係代步及區內選購日月品既好幫手,更加係單獨食飯既好領隊.
春日之細雨,夏日之微風,秋日之爽朗,冬日之嚴寒,每一樣都令騎著電單車既我,更深感受到四季.
