近排愛羊行車時,車頭常傳出"唧唧"聲,好似部件接合鬆動之震動聲.今日放工入元朗,交俾相熟師傅望吓.師傅話無頭盔係車上,我答"唔介意的話可以戴我個頂黎試行轉車內街".師傅試完兩轉內街後,都話似豬頭有雜聲,要放低部車過夜,聽日報價.
即興打電話俾家楠約食晚飯,好彩家楠未食晚餐,於是出黎一齊食泰國嘢.
大家都無開車,安心飲泰啤.飲住啤酒傾計,絶對係男人浪漫的一種.
生活難題永無休止,係唔同既年齡就有唔同既決擇.後生就為自己作打算,成家立室既就為家庭下一代或上一代作安排.
叫咗唔係好多餸,家楠無上次食放題既容量,唔知係咪唔舒服呢?
PS:師傅話以前係澳門玩電單車時都係用SHOEI頭盔,當時紙水賣一百蚊.
