今日一家出去尖沙咀,為既就係超級無敵羊咩咩聖誕裝飾.
幸男係明珠台睇過Shan The Sheep,每次睇都會"咔咔"笑.
海運大廈有個Shaun The Sheep既小攤位,捐咗$30就可以有泥膠,氣球及羊咩咩紙帽.幸男係屋內場景同牧羊狗一齊係梳化合照,攬唔到上身黎影相,因為公仔有膠索帶綁住...
LCX有姆明主題聖誕樹,順便叫幸男埋位影番張,到此一遊.
行到攰,四維都迫滿人,見illy內有位,於是入去歇腳.大人飲咖啡,小朋友食士多啤梨布丁.
我呢杯tiramisu味道唔錯,味道濃郁得黎唔會有難入口既感覺,賣相特別,starbuck同pacific同無呢款丫.
最後當然要係海運大廈問外既聖誕裝飾影番張相,今年既主題係Starry Christmas火車,啱晒幸男.
行埋上去觀景台,無諗過可以鐘樓作背景黎影相.趕搭巴士番屯門市中心,買埋支紅酒就上的士去老家,三代同堂提早做冬食飯.
