今晚收工去咗新墟間E MO韓燒,台灣女生同幸男已係店內等我.餐牌選擇唔多,點咗雪花牛肉,牛肋肉,五花腩,生菜,泡菜.味道同份量一般,無海鮮,無酒精飲品,感覺麻麻地.五舊幾水埋單,應該無下次(都係金舌既放題啱口味啲).
老豆話齋-"肚空空,得個窿",行去V CITY買泡芺食,幸男就同人家分士多啤梨班戟.
人家見唔夠飽,叫多咗串燒墨魚鬚,幸男試咗一粒後,覺得好好味.原本同人家每人兩粒(我一粒),點知幸男食完兩粒後話自己只係食咗一粒,同媽媽爭食之餘仲要喊.講完道理,幸男知錯後,人家同幸男一人一半分黎食(都唔知好嬲定好笑).
PS:其實幸男兩三歲時係嫲嫲屋企,同媽媽爭食一粒花生而喊....
