聖誕禮物變元旦禮物

一直唬住呢隻超金合幾時出,明明27號出,行旺角又唔見有,到呢幾日係屯門吉之島同置樂都唔見有,於是委託住係旺角附近既福娃幫我去睇吓.

結果福娃同里奧先生放工後一齊行,幫我係旺角兆萬逐間問,原來到到都斷貨,日本都唔夠貨(店員話).皇天不負有心人,佢地最後都搵到間有,打俾我報價$13xx.我見貨源咁緊絶,於是下令即買~

其實之前上網睇過啲人擺上網bit底價都要$1000,直購價為$1200.計落兩條友搭車一來一回,加埋個晏晝,都要成舊水,加埋時間,都唔係差太遠.

好多謝福娃同里奧先生,完咗我一個心願,我好耐無一個超合金咁著迷~~可以係元旦買到心頭好,真係好兆頭.新既一年希望諸君同我事事順景,身體健康~~