今晚係老家食完飯,就行番屋企,途經輕鐵站收取老闆娘預留既超合金VF-19 ADVANCE.番到屋企就忍唔住開盒拎出黎睇實物,真係好靚好精細.MACROSS PLUS裡既YF-19絶對係往後系列可變型戰機既先驅,因為YF-19既摺合式機頭打破了原袓VF-1既單調,當然要同MACROSS FRONTIER既VF-25一齊影番張合照.
開封前我都望咗個盒一陣,實物既質感與照片真係兩回事.雖然話係超合金,其實大部份都係塑膠,只係關節位及腳掌係金屬,始終要係纖型同合金之間作取捨.望過說明書,變形比以前我果架複雜好多,搵日幸男唔係屋企至試玩變形先.
呢架係2000年既產物,當年我Yr2,放工自己出旺角睇玩具,係潮流特區地庫既玩具店見到有呢架超合金,不過就只得藍色版,無主角既卡其色.呢架超合金係宿舍裡,陪我飛越了不少時光.
