星期二

幾經辛苦(整損咗隻手指),卒之都成功拆開紅酒木箱,將刻有年份,酒莊名同徽號既木板作留念之用.

用既就係呢個封存係士多房既架撐(外母家既鎚仔),係咪有啲似雷神既神器呢?

台灣女生番夜,番工前同我去會合ACC舊同事一齊係德國餐廳食飯,順道為薇紅打氣.餐廳坐滿客人,搵極都無職員理會,於是我要拎住部相機行去搵職員幫手影合照.可惜個個都係背向你就走咗去,結果我要問洗潔阿姐邊個得閒,結果阿姐一指就搵個經理黎幫我地影相.點解張相無我份?因為經理果張大合照手震矇咗.

食完飯搭的士趕番屋企,因為IVAN帶晴晴家訪,交流下湊B經.雖然有攞幸男既玩具招待世侄女,但始終都係要爸爸陪至開心(我個樣太似壞人.....).

沖完涼,睇租番黎既<超人類-卓比>,劇情普通,警隊專用既人工智能機械人<童子軍>之機動性及前線掩護,大大降低人類警員既傷亡,滅罪率高企.<童子軍>創造者研發出新一代人工智能,並於一個原定銷毀既機械人裝上,取名"卓比".卓比意外地落入黑幫手中,由小童般既智能發展為青少年,培養出人類之情感,又一對人工智能及靈魂數碼化既反思.

PS:中段劇情少悶,不勝酒力,熄機係梳化訓.醒來時已過近兩個鐘,繼續睇埋下半截,好有以前租百仕達DVD睇爛片既青春回憶.