幸男已經六歲,唔再可以坐落爺爺送既電動跑車.原本諗住係送俾同事既親戚,但叉電已不能正常運作,即使叉足成晚都只係車頭燈著,摩打及軚盤聲效無法啓動,唯有送往垃圾站....
每次出球場玩完都會抺乾淨再入膠袋,存放係士多房,所以即使3年有多都保存得好好.
臨別在即,以手機為跑車留下倩影,好讓一家人他日可以回憶(左上方既影係我隻手指,左下方既車軨因常鬆脫而黐blu tack).原身有個遙控制,可以將咁大架車當遙控車黎小朋友遊車河,但今日搵唔番.
幼稚園時期,晏晝一有時間就帶幸男出去球場玩電動車,順便係小遊樂場玩鞦韆.記得呢一張相係將生日既氣球綁係跑車上,幸男一邊行一邊望住啲氣球,好似驚佢地會爆同飛走咁.
PS:好懷念圓碌碌又嗲既幸男,總覺得為幸男影既相唔夠多同靚.
