聖誕樹迎接十二月

晚飯後,台灣女生從士多房攞出聖誕樹及裝飾物,為聖誕月份作準備.幸男話要幫手,於是人家砌好棵聖誕樹就放手俾幸男掛裝飾.

兩母子合力下,聖誕樹大工告成!樹下放咗婆婆送俾幸男既火車玩具,以及群姐好姐送既聖誕老人鐵罐(已取出內裡之零食).人家已準備好聖誕禮物,只係未拎出黎,而我就仲係未有打算......

聖誕樹上既掛飾係我同人家拍拖時買落的,當年我帶住棵較細既聖誕樹兼掛飾上外母家,唔經唔覺掛飾已服務第十個聖誕節.趁兩母子入房訓覺,特意用腳架影低黑暗中閃著不同顏色的聖誕樹.以手動模式黎影,曝光時間長了,反而抓不住變幻既色光.或許本身以白光為主,五顏六色相對短暫,唯有下次試下以高ISO夾短快門呢個組合作titration.