上年幸男病咗，行唔到年宵，初四至有精神去林村行大運補數。今日係幸男第一天既新年假，我哋一家三口去屯門既年宵行大運。
我地俾近入口既花檔所吸引，幸男個樣有點苦惱……
雖然知道啲菊花唔係天然色，但見咁搶眼兼30蚊一朵，於是買咗半打($168)，今次係我地第一次係年宵買花。
本人覺得呢款海豚頂球造型既風車都幾得意，但幸男試玩過就放低，一心要買氣球。
原本串冰糖士多啤梨($30)係買俾幸男，但幸男嫌太硬，結果要人家代食。
幸男揀咗個Thomas汽球，附近一位女檔主見我為兩母子影相，主動走過來幫我地影合照。睇番張相至知汽球群作背景，感覺唔錯～今日人流唔太多，各人都有足夠空間影相及閒逛，啱哂怕逼既我。
行去市中心買多少少嘢，搭的士番老家食團年飯。我同人家都為幸男既考試作準備及支援，所以尚未準備好過新年之節目及大掃除……
