倫哥私房菜-$278 CP值超高

之前台灣女生一直都話想試吓元朗既倫哥私房菜雞煲,今日中午就以whatsapp成功預訂今晚既二人名額。雞煲小辣,雞件唔會太細件,但好似無西川咁入味,下次試吓叫中辣睇吓有無好啲。

主題係無限時海鮮火鍋,前菜係蒜香蒸蟶子,以及蠔皇扣鮑魚(唔記得影相)。

湯底方面,我哋加咗$30轉龍蝦湯底,味道一般,叫做有半隻龍蝦食。

海鮮主題,除咗扇貝同蟶子之外,蝦,蛽,魷魚及鯇魚都係任添。

牛頸脊只限一碟,但數落都有十塊有多,對兩個人黎講,份量應該啱啱好。仲有鯪魚滑同蝦滑,雲呑,四寶丸,枱面都放唔晒,要擺係旁邊既架。

甜品係燕窩燉蛋白,我果份都俾埋人家享用。汽水同自家製涼茶就任飲,啤酒要自費,但生啤選擇唔多,結果我揀咗ASAHI.兩個人食到捧住個肚走,無再添海鮮既餘力。