も一杯

今晚約咗賢仔係YOHO MALL既一杯食飯，居酒居又點可以唔番杯呢？

第一次幫襯，環境唔錯。先上佐酒小食，脆炸魷魚鬚，芝士春卷，以及醒胃山葵八爪魚。

刺身7點盛(魚s,蝦,帶子,海膽)夠華麗，燒香脆鱈魚王夠晒香口(右下方一小角,唔記得影埋佢)。

一人一串燒，牛舌，和牛，鰻魚各一。

鐵板茨菰和牛厚燒,茨菰係綠色果幾條?明明係蒜片為主....

 鐵板鮑魚拼大蝦,真係有點太精巧.........
經過又新街，係珍藏既廚窗見到有NACHTMANN既酒具，搵日騎羊入黎望真啲先。

剛收工既康楠介紹我哋去運動場附近既酒吧，一齊邊傾邊飲。低光環境加手持,只能做出好過手機既效果.希望賢仔係新工作崗位,事事順景~

的士串連式歸家,我係第一個落車.經過村口時,禁不住要駐足及掏出相機。

PS:日頭時都好忙吓,係藍地食完晏就騎羊去建生同良景換取年糕蘿蔔糕同黃金糕.

再約台灣女生放工係759等,買特價啤酒.泊車時見阿sir抄緊違例泊車,於是兜去後一個街口,再跑去會合人家.捧住箱啤酒急步番去攞車,好在尚未見白色告片.

收納倉未能容納一整箱,唯有即場拆箱砌貨,有點似將年貨入喼....