邊等邊行街

朝早騎羊出觀塘,汀九塞完,近鑽石山廣場又塞,牛池灣再塞,結果一個鐘有多至到達鈴木科研.交低車匙後,行番去APM會合台灣女生,因為人家睇中咗商場內既辻利茶舖,一心要係度食茶漬飯.

我就叫咗個鰻魚飯,雖然唔及日本九洲咁好味,但都好過自己買吉之島超市既貨色(其實有次見到急凍櫃有日本原產既鰻魚,但要成二百幾蚊).凍焙茶鮮奶味道近似燶味既奶茶，擺脱了上次7－11買支裝既陰影。

心多既人家，熱抹茶鮮奶外，仲要試埋熱焙茶。

特意搭巴士去中環搵西門子既show room睇桌上式既洗碗碟機，點知職員話只得大機陳列，並建議我地去附近既豐澤睇實物。睇過實物，兼用2維條碼上網睇最大呑吐量，覺得SK26E821EU確係裝修後既不二之選。

自己搭番一個鐘巴士入觀塘，換上新seat 位既愛羊已經停泊係車行門外。中午會合人家前，曾係車行睇過新款burgman 400, 可惜行李箱未能收納2個SHOEI J CRUISE 開面型頭盔。寄望愛羊健健康，支持到下一代大行李箱之型號。

PS:順利無乜塞車番到屋企，打電話去西川落柯打，再騎羊出去攞外賣，其他火鍋配料就由人家係友愛街市採購。