幸男七歲半生日

兒童節係幸男半歲既日子，所以年年都買個蛋糕黎慶祝。晏晝已騎羊去攞蛋糕番屋企,傍晚上外母家接幸男去市中心元氣搵定位等台灣女生,一齊食過早輪晚飯.

幸男雖然無咗兩隻門牙，但漏風都吹到蠟燭。

食完蛋糕就開始玩1 2 Switch，兩父子玩“ZEN” ，其中隨機動作打坐，好似鬥“最接近神既男人”之名(處女座沙加)。

另外第一次玩氹BB訓，要以手提模式玩，溫柔搖晃黎哄BB訓著，兼輕力放係平面(當係床)，安放後無喊醒才算成功。

講都無人信，無乜愛心及耐性既我，竟然最高分～～

兩母子都無情講，為咗勝出，猛力揮拳！

其實正話係片頭介紹時段，大家都嘥咗唔少力。無睇中特别玩具送俾幸男作禮物，只係陪下佢一齊玩遊戲機同食蛋糕，希望小朋友唔會介意(幸男話遲啲睇啱至補番)～

PS:自己九點幾出咗去貝爾特酒店,與中學同窗飲酒聚舊,享受自己既童心.