晏晝台灣女生同幸男搭小巴出市中心去攞位食拉麵,我就騎愛駒去外母屋企攞幸男既書包同食物袋,但我無諗過會被倆母子野生捕獲都唔知......
另類父子合照,我仲係懵然不知,係烈日下保持緘默。
我就根據任務指令,先去外母屋企,幫幸男攞書包同番學用品。
到市中心會合倆母子,啱啱有位入座。每次都要提醒幸男唔好飲咁快,否則未食飽就見底......
人家帶幸男去踼波,我就臨散場時入替人家,騎愛駒接幸男番屋企。
人家準備晚餐,我就偷時間去球場跑步,好難得可以享受休閒時刻。唔知係咪聽漏提示聲,以為自己跑極都未夠5km,停步兼停錶時,先知已跑咗6km,自已嚇自己啫~
收到幸男既來電,話15分鐘後就開飯。預啱時間,番到屋企就開餐。人家係西鐵站既社企買晚餐材料,總好過係一田買現成餸菜翻熱丫~
