平淡但齊全的聖誕

社會運動下,無外出食聖誕晚餐,反而係晏晝出去貝爾特食午餐。行過排骨位見到有架綿掛上聖誕裝飾,記起以前我部SKYWAVE都會係風擋下加上鹿角頭飾作應節~

好在無話要硬食佳節套餐,可以照平時咁享用午餐,我倆已心滿意足。睇落似兩口子撐枱腳,其實只係幸男行咗去吧枱睇重足球賽事重播。

屋企食過簡單晚飯,就搭腳架影聖誕節家庭照。幸男既聖誕兼考試惠勞禮物,就係DX版既新幹線戰士(卒之都儲齊所有機體)。10秒自拍,每次我都係郁咗少少,可能我太趕入鏡.........

臨尾想影張我打橫係度既版本,點知"擇"到幸男同抱住幸男既人家,結果變咗呢張咁惹笑既家庭照~


PS:不知不覺間,幸男已經高過棵聖誕樹....