新外飾,心糾結

早更過後,騎羊去學校為幸男領取上新學年既通告。原來停課其間,學校既紙皮石外牆已靜靜地被換上湖水綠油漆。校徽經過翻新,英文校名亦由黑色變成金色~

又熱又攰,行咗去屋村商場既Mc Cafe飲杯凍啡。幸男升小一時,我同台灣女生曾入學校參加講座。無論係外牆定內飾,都與我小學時無咩大分別。樓梯間既掛畫與扶手,地面既紙皮石,走廊半露天既中空橫濶式景觀........明白大人懷舊既心意,因為舊景物勾起不止童年及青年回憶,更重要係純真及夢想。