小型工程啟動
前年裝修洗冷氣時,從師傅得知當初安裝高度不足,令客廳冷氣排水出現倒灌問題。由於其他工程已完成,唯有試下清洗以減少排水阻塞。事與願違,倒灌事故持續發生,所以索性趁大假搵師傅換個部新機以重新安裝。台灣女生話好在我無趕去做工作坊代表,先至可以跟進安裝後既手尾............上星期六已收新機,今日師傅拆舊機兼安裝新機(師傅試機時仲話"嘩,好鳩涼喎")。經老豆介紹,搵咗個良景既冷氣店回收舊大金2匹機,收番百二蚊(因為佢出車上門收)........客廳尚未完成補油,所以夜晚同台灣女生係睡房用LAPTOP駁JBL CHARGE 3一齊係Viu TV一齊追睇Love Generation。睇一集時已覺得無Long Vancation咁大衝擊,主題曲既失色以及老掉牙既辦公室戀愛,令大家有為完成而看既感覺,缺失應有既感動,新意和代入......
