每逢星期四,都係趕住接送既日子。幸男放學番屋企食過晏,做吓功課。臨近六點,幸男食少少外母準備既熟食。換過衫,幸男就坐愛駒後座去上足球班。
放低幸男,自己騎愛駒去貝爾特,相熟位置泊車,相熟大堂空氣。坐低就揀好晚餐,安心等食。平時呢個時間會同台灣女生一齊食,但今日人家有約。最正既係呢度唔會無位,而且可以舒舒服服咁坐到夠鐘去接幸男。送幸男上外母家,再趕去牛潭尾接聚會過後既人家。跟住地圖語音導航,臨入廻旋處被人家既來電打斷,好在之前已聽到第幾個出口之提示。成功出廻旋處,行多一陣就到達目的地。番到屋企睇DVD版既SWEET NOVEMBER,原來劇內無YouTube常見到MV個首It's Not Goodbye,反而係Enya唱既Only Time。當初我都係被呢It's Not Goodbye配SWEET NOVEMBER劇情之MV所吸引,至四圍搵有無藍光或DVD碟(咁啱上星期俾我係CD WARDHOUSE問到)。人家笑我真係好鍾意Keanu Reeves ,呢啲咁既韓式偶遇X絶症X愛情片,周生係唔係專心由頭睇到尾,電話都無㩒過一下。
PS:其實幸男今日戴既唔係專用頭盔,而係媽媽果個,因為趕唔切番屋企換頭盔。
