新通車時日日都拉龍,開幕3個月了,今日出車非常順利,半個鐘就可以由屋企到東薈城~
行前少少,過埋馬路就可以入商場。對上一次入黎係2017年去長沙camp,睇流星雨果次好趕咁係taste買打邊爐嘢。
今日既目標係買平鞋,因為平日騎羊著既鞋,已經蝕到無抓力。買第三對係最平既折扣,只得2款合眼緣,一心買番著緊果款,可惜已斷碼..............行埋樓上既timberland,見有唔少賣衫既店舖,搵日同台灣女生一齊坐愛駒再入黎行吓先~
回程無去程咁多車,可以享用TMAX DX既定速巡航,平日公路上車距太短,確實好少機會用得著。番屋企泊車時,驚見尾呔中螺絲釘!好在唔係排水坑既薄位,尾呔通過泡水測試,暫無漏氣之嫌。
其實都驚口釘太長,一掹出黎就即時漏氣,好在無事過兩日再check呔壓。
呢兩款就係今日既收鑊,其實我之前著過類似上方藍色果款,不過係白色兼非網面。
