堂食燊光常餐

放假天,訓晏啲補回五天工作下既透支,近中午就出裝身騎愛駒去接幸男放學。由於今日要近一點至上完特別班,馬路不再塞滿正常放學時段既人群同車龍。靈機一觸,不如直接去燊光食晏丫?

平日係學校附近商場食晏,以逃避塞車,今日就好舒服咁去到相熟茶餐廳~幸男已好耐無坐愛駒後座黎堂食,假日都係食FOOD PAPA既外賣常餐。

話時話,幸男由幼稚園起就係食常餐,只係由仿鮑絲火腿通粉,轉沙爹牛肉通粉,再轉食羅宋湯扭扭粉。

PS:食飽上車時,幸男嗌"個位好熱呀~",唔記得幫佢搵嘢遮吓後座添~