悶波悶到訓著

十點三,一家三口坐定定睇西甲決賽-巴塞隆拿對馬德里體育會。睇到近70分鐘,幸男已體力不繼,係梳化鐘眼訓。中途有旁述講基斯文錯失射門良機,幸男半訓半聽之下都出聲:"千..古..罪...人..."。

訓到口水流出,幸男至醒一醒。抺過口水,見比數依舊,好快又再訓番。我同人家見證和局收場,睇黎幸男真係訓得英明~

PS:夾手夾腳抬幸男番入房兼拾級放進被舖,"蘭蘭"已經唔再係一手就可以打橫抱入懷裡........