原定今晚叫幸男踢完波,就自己搭輕鐵去婆婆屋企過夜,台灣女生負責係球場附近監視及跟蹤。我就騎愛駒去外母家樓下,再去輕鐵站迎接幸男落車。
月台上既我一直與人家通電話,正當人家衝上月台時,人被身旁既幸男問路:"媽媽,我係咪去錯月台呀?"(幸男從對面月台驚覺方向箭咀與目的地車站不配)。邊有人跟蹤跟到甩咗個目標?探員既解釋係成月台都係著住同款波衫既小朋友,而且怕早上月台會被目標發現喎.........結果人家送完幸男上樓,再坐我車尾番屋企。過埋個暑假,幸男就升小六。除咗要培養自理能力,日常生活細節都係,例如點餐。
今日放學同幸男去咗HK DINNER食晏,我揀午餐,幸男揀常餐。味道尚可,只係選擇唔算太多~
