夜班收工,啱啱落完場雨,去攞車時見到有彩虹。感覺似辛勞後既鼓勵,但又覺得重拾熟識既定理。四十出頭,由細到大認為理所當然既事情,宜家已變得模糊甚至荒誕。或許雨後晴天,不再有彩虹的話,大家都不會感錯愕。
訓醒去相熟茶餐廳食晏,再入元朗良記續牌費。無諗過一人前拉麵會仲挨得住,畢竟疫情下好多店舖變成吉舖或轉手。太陽傘既退色兼污糟都可以接受,但開始薄到穿窿就真係時候要更換。呢個篷已經係入黎住既第二個(用咗4年半),第一個反而用到6年半。以WHATSAPP詢問舊店,色版依舊,但變咗係支柱靠邊兼立於篷外。睇黎要開家庭會議,商討新布色~
