今日係屯門盃小型足球賽,幸男一如已往跟隨藍天出賽。
第一場對泉康聯,9:0取勝,全因對手明顯體格上及技術上既不足。
烈日當空,三十幾度,抬住A7iii黎試影,的確係辛苦兼沮喪。兩年無出門旅行,相機操控已變得陌生及生疏。其實今日孭住有量補給品搭的士到場,除咗輕便摺櫈,仲有大量冰種凍水及飲品。
休息時間,一班隊友閑聊賽程?
大量家長到場陪曬兼照顧小朋友,不少家長都擔遮避暑。
尋日至係OK用消費劵送既4張$5coupon換購既寶礦力,今日大派用場~
帶得一支100-400既遠攝鏡,背貼鐵絲網都影唔晒。
小組賽連贏2場,馮李佩瑤(3:2),最後對小球員(區隊人腳)輸2:5,次名出線。四強戰前,波子Sir於親自向各隊員,作臨場修正建議。
圍圈打氣後,認真應付四強賽。
加山友義既女將,曾係之前藍天友誼賽有好出色既表現,守籠搶射皆能。
呢兩位隊友做咩企咁埋?唔係要分散啲黎負責自己既崗位嘛??體力不繼兼實力差距,0:2完場,無緣追逐冠亞軍戰。
上年攞第三,今年都係第三,希望大家下次可以有更大進步,取得更佳成績。
大家都又攰又熱,唔少隊友都趕番去家屬支援站,留底影多幾張相既隊得一半......散場行去的士站等的士番屋企,原本校啱時間等收外賣,可惜突如其來既大雨,令外賣滯後了半個鐘有多。
PS: 久疏戰陣,一味貪快門要快,無為意ISO上限set得太高,細果好多都係油畫化粗粒,失策......
