詹姆士龐德之生死有時

上晝踢完波,番屋企食埋個外賣晏,就去輕鐵站會合老豆,因為三代同堂去yoho睇IMAX版鐵金剛-生死有時(NO TIME TO DIE)。片長146分鐘,散場去完厠所至一齊合照(話晒係當代007系列既最終章嘛)。

James Bond與情人Madeleine承接前作SPECTRE結尾,乘坐經典DB5前往意大利,退引未久就遭到伏擊。60年代既車款,與古典Basilicata建築没有半點違和。

退役既Daniel Craig,係眾前輩之中,有唔少007既第一:第一個金髮,第一個會飲啤酒(唔係齋Dry Martini),第一個為愛而傷心,第一個會詐死退隱,第一個重考兼唔合格,第一個退役而遇到007既繼承者,第一個做爸爸,第一個以死作謝幕。

因為CIA好友Felix Leiter既誠邀,Bond出山幫手調查一宗有關前Spectre黨之生化武器。當中夥拍新手特工Palmer之動作場口非常緊湊,一齊飲酒減壓兼壯膽,以殺出重圍。

無諗過幕後首腦竟然與舊愛人Madeleine有淵緣,兼聯繫到前Spectre黨首領(Bond之義兄長)。雖然尾段節奏有點放慢,但男女主角色間之描繪到位。愛與拯救世界為前提,James Bond與愛人情深對話後,以女兒之毛公仔為伴,迎接"退役"一刻。感動之處非過往系列所能及,因為今代之龐德,是一位有血有肉既特務,不再與玩命兼玩世不恭掛上等號。

飾演Palmer既Ana de Armas好面善,原來係Blade Runner 2049既人工智能Joi。散場時幸男為煽情既結局而眼泛淚光,唔知幸男再大啲會否追睇下一代007電影呢?

PS: Ellie Eilish主唱既主題曲"No Time To Die",非常切合電影主題及情感,更結尾巧妙地亦融合經典James Bond Theme結尾既電結他聲作落幕兼致敬。