晚飯對我黎講係一日裡最重要既一餐，每日既辛勞都係靠呢餐去作慰勞，所以今晩我決定一個人都要食好啲(一人前西餐)。實情係幸男今晚要去U13選拔，天氣太熱，熱都唔想出太遠，所以騎愛駒去LAM TEI GRILL食~主食加幾十蚊就可以沙律吧任畢沙律,餐湯同飲品(咖啡,奶茶,檸茶,果汁)。禁晚市堂食前之前嗌過外賣，堂食既阿根廷牛扒比起外賣既好味，至少唔會焗到全熟...六點鬆啲入門，我係第一位客人，之後有枱多人既食客。除咗店員，我諗果枱客都感到好奇，點解會有個怪人係度一人FINE DINNING。七點都未夠就食完飯，番屋企攤抖一陣，就騎羊去老家幫老頭子洗頭沖涼。
PS:其實晏晝已經係藍地食飯，無諗過晚餐會係隔離舖度食。
