搭巴士出去頭盔王新舖，街名東安街係邊度聽過呢?愈行愈覺得個景熟口熟面，原來正正係以前阿婆阿公住既唐樓附近。之前去過舊鋪睇手套，但無我size，所以趁搬大舖過黎碰吓運氣。上次睇中既黃色helstons皮手套有我SIZE，不過呢對FUEL既皮手套好似靚啲。試戴過之後，帶咗佢去俾錢。櫥窗有SHOEI J CRUISE既中碼頭盔，搵日兜台灣女牛過黎試帶吓都好，畢竟用緊果個都夠晒期換。店內有唔少電單車服飾，原本睇中兩件衫，但可惜得一款有我SIZE。呢條電單車牛仔褲特價$400，亦都只得一條加大碼........影低張相同個TAG牌，試吓係webike睇吓有無先。入舖頭前去讀幼稚園前既舊居望吓，記得以前出入都會經過五金舖同工程舖。經典綠色鐵閘無變，從通風位窺望紙皮石樓梯及黑膠扶手，好掛住以前手持膠坦克電燈籠兼被抱上樓既小朋友。
PS:昔日既小朋友，有無諗過30幾年後會係佢樓下買電單車用品呢?疫情嚴重時，有諗過騎愛駒出黎懷愐吓，但一直以忙於照顧老頭子同自己屋企為借口。
