幫高達執書包

之前問過大腳八老闆娘有無呢隻08小隊陸戰高達，無諗過尋日老闆娘話番貨，令我可以入手一年前既出品。

把玩一輪，開始幫陸戰高達執書包。

背包可以收納大炮同步槍，不過要拆到幾散下，見到説明書都驚。

部件細，我隻手又大，攪咗好耐至成功執好個背包。$360，造工同可動性都ok，可惜特效配件要另配。