重拾生活節奏

晏晝出文記食飯，連續2日都係咁，唔知店員會否應得我係同一套衫褲？

番屋企晾埋衫，就動身騎愛駒出去綠在屯門新址做回收。

新址無以前泳池隔離咁就腳（少燈位），位置係天橋底，好處係無咁曬，唔好就係無咁開揚。

泊車亦無舊址咁方便，鄰近住宅，怕多牛肉乾部隊……

跟住導航番屋企，換完衫就斟埋尋晚飲剩既紅酒，繼續追趕嚴重脫期既Blog。呢幾日放假，先至可以清到舊年兩公婆去日本既旅行回憶。其實我幾鍾意呢幾日既慢活，早餐後目送2母子出門，補眠一陣就拉筋，洗衫晾衫。補打blog期間，睇下netflix動畫。

PS:搵到個盒嚟裝住Super Asuarda車仔，為明天既大型活動作準備。