原本今日約台灣女生去V CITY既千両食晚飯，但見個餐牌依舊無得upgrade，把心一橫搭西鐵去YOHO。王子既餐牌亦新意欠奉，無意之間發現穴有買一送一既晚餐優惠，於是向店員查詢。
前菜-靜岡蕃茄•白身魚•香草汁，味道夠晒清新開胃。
精選四色刺身，份量同質量都有誠意。
之後上既海鮮天婦羅，有帶子，蝦，魚同紫菜包既蟹肉膏，可惜唔記得影相(掛住試紫菜包住啲乜)。
汁燒安格斯牛扒，滿滿和風~
黑松肉松露生薑飯，人家飽到要拎外賣盒打包，話要留肚食甜品。
左口魚邊海膽飯，好明顯係我既加錢之選。
焦糖布丁•雲呢拿雪糕，人家留肚戰術成功，我就各食剩一半。
PS:開心可以係區內食到有水準既晚餐，始終巿道不景兼北上降級消費盛行......
