今日10:30順利騎愛駒到太子check車換偈油，同職員陳述"鬆油溜車，錶版ECO燈熄滅時，龍骨下方會伴隨震動及聲响"。
交低車匙就行去始創逛吓，11:30就去番RBTea(仙踪林)食晏。
掃code落單，揀咗有限庫存既油封雞髀(鴨髀就食得多)黑松露意大利飯。味道唔差，只可惜厚肉位近骨有血水，唔可以食到盡。
台灣女生提議我去MOKO既Loft 望吓，原來得一個角位，商品唔算多。係商場蕩到兩點半，就落番去始創中心，依舊starbucks咖啡坐住等。
近五點至有得攞車，職員轉述師傅話無異樣。夜晚得我同幸男食，於是叫人家代order市中心PIZZA MARU外賣，我回程順路自取。
晚飯後兜去師傅樓下，當run吓車叉電。無上樓，只係Lobby交收兼傾咗陣，搵日食飯再詳談。
愛駒已服役8年，seat位已唔止一個爆皮位，所以今日訂定船期貨，下次check車換油一次過更換。風擋固定膠部件有現貨，除左原定換偈油同把手grip，風隔都要換。
PS:車行無解釋，唯有上網search，應該係離合器既分離導致震動同聲响，只要唔係太強烈就可以。
